दशैँका लागि काठमाडौं उपत्यकामा पशु भित्रिन थालेका छन्। पशु क्वारेन्टाइन कार्यालयले उपलब्ध गराएको तथ्याङ अनुसार १४ हजार ५ सयको सङ्ख्यामा दशैंका लागि पशु भित्रिएको छ।
बाँके, बारा, नवलपरासी, नेपालगञ्ज र रौहट लगायतका जिल्लाबाट ६ सय २५ गोटा राँगाभैँसी भित्रिएको छ। त्यस्तै १ हजार ८१ गोटा खसीबोका भित्रिएको तथ्याङ्कले देखाएको छ। ती खसीबोका दाङ, पाल्पा, धादिङ, कैलाली, नवलपरासी र चिवतनबाट भित्रिएका हुन्।
तथ्याङ्क अनुसार चितवन, नवलपारासी, कैलाली, धादिङ र नुवाकोटबाट ११ हजार ३ सय गोटा कुखुरा भित्रिएका छन्।
९ हजार ८ सय १५ किलो माछा भित्रिएको तथ्याङ्कले देखाएको छ। ती माछा चितवन र कपिलवूस्तुबाट भित्रिएका हुन्।
त्यस्तै, चितवन, पोखरा र धादिङबाट ३ हजार ४० पेटी अण्डा, चितवनबाट हाँस र लौकाट क्रमशः ५ सय र २ सय ५० गोटा र सुर्खेत र मुस्ताङबाट ६ सय ७० गोटा च्याङ्ग्रा भित्रिए तथ्याङ्कले देखाएको छ।
यी बाहेक आज ४ हजार च्याङग्रा काठमाडौं भित्रिन लागको क्वारेन्टाइन उप–प्रमुख सम्झना कुमारी काफ्लेले जानकारी दिइन्। उनका अनुसार टिमुरे नाकाबाट आयात भएका च्याङ्ग्रा भने त्यहीँको बजारमा खपत हुने छ।
