सरकारले एक अर्बभन्दा बढी लगानी गर्ने विदेशी लगानीकर्तालाई भिभिआइपी लगानीकर्ताको परिचयपत्र दिने प्रस्ताव गरेको छ। विदेशी लगानी तथा प्रविधि हस्तान्तरण नियमावली, २०७६ मा सो व्यवस्था प्रस्ताव गरिएको हो।
नियमावली अनुसार यस्ता लगानी कर्तालाई आन्तरिक तथा अन्तर्राष्ट्रिय विमानस्थलमा विशिष्ट कक्षको सुविधा प्रदान गरिने छ।
त्यस्तै २५ करोडसम्म लगानी गर्ने लगानीकर्तालाई सिंहदरबारमा सहज प्रवेश अनुमति दिइने सरकारले प्रस्ताव गरेको छ।
पच्चिस करोड भन्दा बढी १ अर्बसम्मको लगानी गर्नेलाई विदेशी लगानीकार्ता भिआइपी विदेशी लगानीकर्ता परिचय पत्र दिइने छ। यस्ता लगानीकर्तालाई द्रुत प्रक्रियाबाट सेवा सुविधा दिइने नियमावलीमा प्रस्ट्याइएको छ।
तोकिएको लगानी कायम रहेसम्म परिचय पत्रको अवधि हुने छ।