भारतको जेट एयरवेजले उडान बन्द गरपछि अन्य एयरलाइन्सले नेपाल उडान गर्ने चासो देखाएका छन्। जेट एयरवेज आक्रमक भएपछि नेपाल उडान बन्द गरेका एयरलाइन्सदेखि नयाँले पनि काठमाडौं उडान गर्ने योजना बनाएका हुन्।
नेपाल नागरिक उड्डयन प्राधिकरणका अनुसार भातरको स्पाइसजेटले उडानका लागि प्रक्रिया सुरु गरिसकेको छ। स्पाइसजेट फेरि नेपाल आउन लागेको हो।
भारतका मुम्बई, दिल्ली,बैंग्लोरबाट काठमाडौं उडान गर्ने भारतीय एयरलाइन्सको योजना रहेको छ। हाल इन्डिगो र एयर इन्डियाले यो भारतीय सहर र काठमाडौंबीच उडान गरिरहेका छन्। यो रुटमा नेपाल एयरलाइन्सले पनि उडान गर्छ।
हिमालय एयरलाइन्सले उडान अनुमति नपाएको भारत उडानमा भिस्तारा र गो एयरले पनि नेपाल उडान गर्ने योजना बनाएका छन्।
टाटा ग्रुपको लगानी भएको भिस्तारा एयरले काठमाडौं उडान गर्ने योजना यसअघि नै सार्वजनिक गरेको छ। यसका लागि संस्कृति पर्यटन तथा नागरिक उड्डयन मन्त्रालयमा अनौपचारिक प्रस्ताव पुगेको छ।
त्यस्तै भारतको लो कस्ट एयरलाइन्स गो एयरले पनि काठमाडौं उडान गर्ने योजना बनाएको छ। यसका लागि नेपालमा रहेको प्रतिनिधितले तयारी गरिरहेको भारतीय सञ्चारमाध्यममा समाचार आएको छ।
काठमाडौ उडान गर्ने तयारी गरिरहेको गो एयरले आगामी जनवरीदेखि अनुमतिका लागि प्रक्रिया सुरु गर्ने जानकारी गराएको छ।
