गोरखाको मनकानना मन्दिर जाने केबलकार र जावलाखेलस्थित चिडियाखाना बन्द हुने भएको छ।
मनकामना केबलकार प्रालिले सूचना जारी गर्दै कोरोना भाइरस (कोभिड १९)को संक्रमण फैलन नदिन थप सहयोग पुगोस् भन्ने उद्देश्यले चैत ८ देखि ३० गतेसम्मको लागि केवलकार सेवा स्थगित गर्न लागेको जनाएको हो।
त्यस्तै सदर चिडियाखाना शुक्रबारदेखि बन्द गरिएको छ। सरकारको अर्को सूचना नआएसम्म चिडियाखानाको कार्यालय मात्र खुला रहने चिडियाखानाकी सूचना अधिकारी लिना चालिसेले जानकारी दिइन।
गत चैत ५ गते कोभिड-१९ संक्रमण रोकथाम तथा नियन्त्रण उच्च स्तरीय समन्वय समितिले सिनेमा हल, सांस्कृतिक केन्द्र, रंगशाला, खेलस्थल, जिम, हेल्थ क्लब, म्युजियम, स्विमिङ पुल, मनोरन्जन स्थल, डान्स बार, क्लब आदिलाई अप्रिल ३० सम्म बन्द गर्ने निणर्य गरिसकेको छ।