सरकारले सार्वजनिक यातायात बन्दको घोषणा गरेपछि एयरलाइन्सहरुले काठमाडौंबाट बाहिर जाने भाडाको अधिकतम दर लागू गरेका थिए। त्यसपछि समाजिक सञ्जालमा व्यापाक विरोध भएपछि संस्कृति पर्यटन तथा नागरिक उड्डयन मन्त्री योगेश भट्टराईले एयरलाइन्सहरुलाई भाडा घटाउन आग्रह गरे।
मन्त्री भट्टराईले एयरलाइन्स सञ्चालकहरुलाई बोलाएर सामन्य अवस्थाको तुलनामा भाडा बढेको र त्यसका कारण सरकारकोसमेत आलोचना भएको भन्दै भाडाको सीमा घटाएन आग्रह गरे।
मन्त्री भट्टराईले विपतको समयमा एयरलाइन्सहरुले चाडपर्वको जस्तै गरी उच्च सीमा लागू गर्न नहुने भन्दै असन्तुष्टि जनाएका थिए। उनले एयरलाइन्सलाई पर्ने समस्या पनि सरकारले नै समाधान गर्ने भन्दै आफ्नो अनुरोध स्वीकार गर्न भनेका थिए।
त्यस लगत्तै एयरलाइन्सहरुले २० देखि ४० प्रतिशतसम्म भाडा घटाएका छन्। वायुसेवाव सञ्चालक संघले निर्णय नै गरेर भाडाको अधिकतम सीमा घटाउने निर्णय गरेको छ।
त्यस्तै बुद्ध,यति तथा श्री एयरलाइन्सले पनि छुट्टा छुट्टै भाडा घटाएको सूचना प्रकाशित गरेका छन्।