व्यावसायिक घराना लक्ष्मी ग्रुपले सरकारले स्थापना गरेको कोरोना भाइरस संक्रमण रोकथाम,नियन्त्रण र उपचार कोष मा १ करोड सहयोग गर्ने घोषणा गरेको छ।
ग्रुपले नेपाल सरकारले स्थापना गरेको उक्त कोषबाट कोरोना संक्रमण रोकथाम उपचारमा उपयोग हुने विश्वास लिएको छ।
त्यस्तै यो ग्रुपले फिभर क्लिनिक स्थापना गर्नका लागि आर्थिक सहयोग गर्ने भएको छ। देशका प्रमुख अस्पतालहरुमा स्थापना हुने यो क्लिनिक हेल्थ एट होम प्रालीले सञ्चालन गर्ने छ।
यो क्लिनिकले पछिल्ला १४ दिन विदेशमा भएका,कोभिड १९ संक्रमितको सम्पर्कमा आएका हुनसक्ने,सम्भावित लक्ष्यणहरु देखिएका र जसलाई परीक्षण गराउने मन छ त्यस्तालाई सेवा दिने छ।
परामर्श सेवा पनि यो क्लिनिकले दिने छ।
यसले सम्भावित संक्रमण भएको आशंका भएकालाई सिधै अस्पताल पठाउनुभन्दा पहिला क्लिनिकमा सेवा दिंदा अस्पतालको चाप न्यून हुने ग्रुपको विश्वास छ।