नेपाल आयल निगमले ग्यास उद्योगीलाई आधा सिलिण्डर ग्यास बजारमा पठाउन निर्देशन दिएको छ।
सिलिण्डरको व्यवस्थापन गर्न निगमले उक्त निर्देशन दिएको बताएको छ।
उक्त निर्देशन शुक्रबार (आज) बाट लागु भएको एलपी ग्यास उद्योग संघका अध्यक्ष गोकुल भण्डारीले बताए। उनका अनुसार आजबाट बजार आधा सिलिण्डर ग्यास बजारमा गएको छ। अब प्रति सिलिण्डर ७.१ केजी ग्यास उपभोक्ताले पाउँनेछन्।
यसअघि प्रतिसिलिण्डर १४.२ केजी ग्यास हुने गर्थ्याै।
यससँगै दाङ, बाँके, बर्दिया, कैलाली र कञ्चनपुर जिल्लाका उपभोक्तालाई आधा सिलिण्डर ग्यासको मूल्य ६ सय ७० रूपैयाँ पर्ने व्यवसायीहरूले बताएका छन्। तराई क्षेत्रमा ६ सय ७७ रूपैयाँ ५० पैसा पर्ने छ।
त्यस्तै, काठमाडौं लगायतका अन्य स्थानका उपभोक्तालाई भने ६ सय ८७ रूपैयाँ ५० पैसा पर्ने छ।
