हुम्लाको सिमीकोटमा खाद्यान्न अभाव भएपछि तारा एअरले विहीबारदेखि खाद्य सामग्री ढुवानी गरिरहेको छ।
कोभिड १९ को संक्रमणबाट बच्न नेपाल सरकारले उच्च सर्तकता अपनाउँदै ‘नेपाल लकडाउन’ गरेपछि सिमीकोटमा खाद्यान्न अभाव सिर्जना भएको हो।
नेपाल खाद्य संस्थानले खाद्यान्न सामग्री ढुवानी गरिदिन यती एअरलाइन्सलाई अनुरोध गरेको थियो।
त्यसपछि सांस्कृतिक, पर्यटन तथा नागरिक उड्डयन मन्त्रालयको निर्देशनमा नागरिक उड्डयन प्राधिकरणसँग अनुमति लिई यती एअरलाइन्सको भगिनी संस्था तारा एअरले चामल, नुन लगायतका खाद्य सामग्री शुक्रबारबाट ढुवानी गरिरहेको छ।
नेपाल खाद्य संस्थानले तोकेअनुरुप खाद्य सामग्री ढुवानी गर्ने तारा एअरले जनाएको छ।
यसअघि पनि कर्णाली क्षेत्रमा खाद्यान्न संकट न्यूनीकरण गर्न नेपाल खाद्य संस्थान र विश्व खाद्य कार्यक्रमको खाद्य सामग्री ढुवानीमा तारा एअरले सहयोग पुर्याउँदै आएको छ।
खाद्यान्नसँगै बिरामी र निर्माण सामग्री ढुवानीमा पनि सहयोग गर्दै आएको छ।
