संसारभर होटल व्यवस्थापन गरिरहेको हिल्टनले अमेरिकामा स्वास्थ्यकर्मीहरुका लागि रातिको समयमा १० लाख कोठा नि:शुल्क उपलब्ध गराउने घोषणा गरेको छ।
हिल्टनले अमेरिकन एक्सप्रेससँगको सहकार्यमा अग्रपंक्तीमा रहेर काम गर्ने स्वास्थ्यकर्मीका लागि अमेरिकाभर निशुल्क कोठा उपलब्ध गराउने भएका हुन्।
'अर्को हप्तादेखि अमेरिकाभर हामीले डाक्टर,नर्स,प्यारामेडिकल स्टाफका लागि कुनै पनि शुल्क लिने छैनौ। जसलाई सुत्नका लागि कोठा चाहिन्छ। रातिको समयमा हामी निशुल्क कोठा उपलब्ध गराउने छौ' हिल्टन द्वारा जारी विज्ञप्तिमा उल्लेख गरिएको छ।
