निजी क्षेत्रको दूरसञ्चार सेवाप्रदायक एनसेलकाे स्वामित्व हस्तान्तरण हुँदा सिर्जना भएको सम्पूर्ण पुँजीगत लाभकर भुक्तानी भएकाे छ।
उसले बाँकी रहेको कर आजै बुझाएको हो।
ठूला करदाता कार्यालयका अनुसार एनसेलले आज बाँकी रहेको १४ अर्ब ३३ करोड रुपैयाँ कर भुक्तानी गरेको हो।
‘हामी अहिले पनि बैंकमै छौँ, भुक्तानीको काम हुँदैछ, एनसेलले १४ अर्ब ३३ करोड बुझाएको छ’ ठूला करदाता कार्यालयका प्रमुख कर प्रशासक झलकराम अधिकारीले भने।
योसँगै अदालतको आदेशअनुसार बाँकी रहेको लाभकर बापतको सबै २३ अर्ब ४३ करोड रुपैयाँ भुक्तानी भएकाे छ। यसमा ब्याज पनि जोडिएको छ।
योसँगै टेलियासोनेराबाट अजियटामा स्वामित्व हस्तान्तरण हुँदा सिर्जना भएको पुँजीगत लाभकरसम्वन्धी विवाद अन्त्य भएको छ।
