पेट्रोलियम निर्यात गर्ने देश र यसमा संलग्न सहयोगी संगठनहरुले कोरोना भाइरस लकडाउनका कारण तेलको मागमा गिरावट आएकाले उत्पादनमा १० प्रतिशतले कटेती गर्न सहमत भएका छन्।
आइतबार भिडिओ कन्फ्रेन्स मार्फत भएको यो सम्झौता तेल उत्पादनमा अहिलेसम्मको सबैभन्दा ठुलो कटौती हो।
तेल उत्पादनकर्ता र रसिया लगायतका सहयोगीहरु मिलेर बनेको ओपेक प्लसले अप्रिल ९ मा सम्झौताको योजना घोषणा गरेको थियो। तर मेक्सिकोले यसको विरोध गरेको थियो।
ओपेकले अझै औपचारिक ढंगबाट सम्झौता घोषणा गर्न बाँकी भएपनि अन्य राष्ट्रहरुले सम्झौता पुष्टि गरिसकेका छन्।
अहिलेसम्मको सम्झौता अनुसार दैनिकी उत्पादनमा ९.७ मिलियन ब्यारेल कटौती हुनेछ।
कोरोना भाइरसको प्रकोपका कारण करोडौं मान्छे घर भित्रै भएकाले पछिल्लो समय विश्व बजारमा तेलको माग एक तिहाइले कम भएको छ भने मूल्य पनि निरन्तर ओरालो लाग्दै आएको छ।
ओपेकले मे र जूनमा उत्पादन लागतमा १० मिलियन ब्यारेल कटौती गर्ने योजना बनाएको थियो।
उनीहरूले जुलाई र डिसेम्बर बीच ८ मिलियन ब्यारेल र जनवरी २०२१ देखि अप्रिल २०२२ दैनिकी ६ मिलियन ब्यारेल कटौती गर्नेछन्।
