अमेरिकाकी कच्चा तेलको मूल्य इतिहासमा पहिलोपटक ऋणात्मक भएको छ।
सोमबार इतिहासमा पहिलोपटक अमेरिकी कच्चा तेलको मूल्य शून्यभन्दा तल झरेको रोयटर्सले जनाएको छ।
सोमबार अमेरिकी कच्चा तेलको मुल्य घटेर माइनस ३७.६३ डलर प्रतिब्यालेर पुगेको छ।
तेलको अन्तराष्ट्रिय मानक मानिने ब्रेन्ट कच्चा तेलको मुल्य पनि घटेको छ। ब्रेन्टको भाउ ८.९ प्रतिशतले घटेर २६ डलर प्रतिब्यारेल भएको छ।
यसरी घटेको मुल्यले अमेरिकी उपभोक्तालाई कतिको आकर्षित गर्छ भन्ने बारेमा स्पष्ट हुन सकेको छैन किनकी मुल्य घट्दा उपभोक्ता तेल किन्न आकर्षित हुने गरेका छन्। तर यसपटक कोरोनाका कारण भएको लकडाउनले मानिसहरूलाई घरभित्रै सिमित गरेकोले दृश्य कस्तो हुनेछ भन्नेमा स्पष्टता छैन।
कोरोना भाइरसले निम्त्याएको लकडाउनले संसारभर तेलको खपत घटेपछि तेल उत्पादक देशहरूले केही दिन अगाडि कच्चा तेलको उत्पादन १० प्रतिशतले कम गर्ने सहमति गरेका थिए।