अनलाइन सपिङ साइट दराज डटकम र इसेवाबीच साझेदारी सम्झौता भएको छ।
दराजले नेपालको अग्रनी डिजिटल वालेटसँग भुक्तानी सम्बन्धि सेवा आदानप्रदान सम्बन्धि सम्झौता गरेको हो।
सम्झौताअनुसार दराज डटकमबाट सामग्री किन्ने ग्राहकहरुले इसेवाबाट भुक्तानी गर्नसक्ने छन्।
अनलाईन भुक्तानी प्रक्रियाले दराजमा किनमेल गर्न अझै सरल, सहज र भरपर्दो बनाउने दराजले विश्वास लिइएको छ।
यसले चेक आउट प्रक्रियाको समय घटाउने, डिजिटल सुरक्षा अझै बलियो बनाउने र प्रयोगकर्ताहरुलाई सामाजिक दुरी कायम गर्न पनि सहयोग पुर्याउने कम्पनीको भनाइ रहेको छ।
यसका लागि ग्राहकले पहिले आफ्नो इसेवा खातालाई दराज एपसँग लिङ्क गर्नुपर्नेछ ।
लिङ्क भइसकेपछि ग्राहकहरूले ओटिपी मार्फत् किनमेल गर्नसक्नेछन्।
