नेपालमा लगानी गर्न चिनियाँ लगानीकर्ता आकर्षित देखिएका छन्। उद्योग विभागमा दर्ता भएको उद्योगको संख्याले चिनियाँ लगानीकर्ता नेपालमा लगानी गर्न आकर्षित भएको देखाएको हो।
चालू आर्थिक वर्ष २०७७/०७८ को दोस्रो महिनामा चिनियाँ लगानीकर्ताले मात्र नेपालमा लगानीको प्रस्ताव गरेका छन्।
चिनियाँ लगानीकर्ताले प्रस्ताव गरेको १० वटा परियोजनामध्ये ९ वटा परियोजना होटल तथा रेष्टुरेन्टमा रहेको छ।
ती होटलमा कम्तिमा २० बेडदेखि ४५ बेडको होटल र ४५ सिटदेखि २२० सिटसम्म भएको रेष्टुरेन्ट हुनेछ।
होटल तथा रेष्टुरेन्ट सञ्चालन गर्न १ अर्ब रूपैयाँ लगानी गर्ने भएका छन्। त्यस्तै, 'कार्गो' क्षेत्रका लागि १० करोड रूपैयाँ लगानी प्रस्ताव गरेको छ।
