वाणिज्य, आपूर्ति तथा उपभोक्ता हित संरक्षण विभागले बजार अनुगमनका क्रममा जफत गरेको प्याज आजैबाट सर्वसाधारणलाई बिक्री गर्ने भएको छ।
खाद्य व्यवस्था तथा व्यापार कम्पनीले थापाथली बिक्री काउण्टरबाट बिक्री गरिने कम्पनीका प्रमुख नेत्र सुवेदीले बताए।
‘सिल गरेर राखेको ठाउँमा हामी लिन जाँदै छौं। प्याज बोरामा राख्दा बिग्रिन सक्छ, सकेसम्म आजैबाट बेच्छौं,’ सुवेदीले भने।
उनकाअनुसार प्याज प्रतिकिलो ६० रूपैयाँका दरले बेचिने छ।
एकहप्ता अघि काठमाडौं महारगर र विभागको बजार अनुगमन टोलीले बल्खु र कालिमाटी तरकारी बजारमा लुकाएर राखेको १२ हजार किलो प्याज जफत गरेको थियो।
