आर्थिक वर्ष २०७६/०७७ को पहिलो दुई महिना, साउन र भदौको तुलनामा चालू आर्थिक वर्षको सोही महिनामा २२.०७ प्रतिशतले आयातमा गिरावट आएको छ।
भन्सार विभागको तथ्याङ्कअनुसार यो आव २०७७/०७८ को साउन र भदौमा १७ करोड ८८ लाख ४६ हजार २ सय ६८ रुपैयाँको आयात भएको छ। गत वर्ष सोही अवधीमा २२ करोड ९५ लाख ३ हजार ६ सय ९६ को आयात भएको थियो।
त्यस्तै, यो २ महिना (साउन र भदौ) मा भने १०.४९ प्रतिशतले निर्यातमा वृद्धी भएको छ।
विभागकाअनुसार यो २ महिना ( साउन र भदौ) मा २ करोड ४ लाख ४३ हजार ६२ को निर्यात भएको छ भने गत वर्ष सोही अवधीमा १ करोड ८५ लाख १ हजार ८ सय ५४ को निर्यात भएको थियो।
त्यस्तै यो अवधी (साउन र भदौ) मा व्यापार घाटामा गत वर्ष भन्दा २४.९३ प्रतिशतले गिरावट आएको तथ्याङ्कमा उल्लेख छ।