अमेरिकन एयरलाइन्स र युनाइटेड एयरलाइन्सले हजारौं कर्मचारी कटौती गर्ने भएको छ। अमेरिकन एयरलाइन्सका प्रमुख कार्यकारी अधिकृत, सिइओ डोगं पार्करका अनुसार कम्पनीले १९ हजार कर्मचारी कटौती गर्ने भएको हो।
त्यस्तै युनाइडेडले १३ हजार कर्मचारीलाई विदाइ गर्ने युनाइटेड एयरलाइन्सका सिइओ स्कट किर्बीले बताएका छन्। उनले कर्मचारीलाई विदाई गर्नु युनाइटेड कै लागि दुःखद रहेको बताए।
‘यदि एयरलाइन्सले कांग्रेस र ट्रेजरी सचिव स्टीवन मुनचिनसँगको सम्झौतामा सफलता पाएका भए यस्तो अवस्था आउँदैन थियो’, उनले भनेका छन्। उनीहरूले एक ‘बहु–ट्रिलियन डलर’ प्याकेजमा विचार गरिरहेका थिए। जसमा २५ अर्ब डलर एयरलाइन्सका लागि सहयोग हुन्थ्यो।
‘आन्तरिक सल्लाह नमिलेपछि एयरलाइन्सले कर्मचारी कटौतीको कदम उठाउन बाध्य भयो। ‘यी कुनैपनि प्रयासहरू सफल हुने ग्यारेन्टी छैन’, पार्करले कर्मचारीलाई ज्ञापनपत्रमा लेखेका छन्।
पार्कर र किर्बीका अनुसार उनीहरुले गर्न लागेको सम्झौता भए हाल कटौती गरेका कर्मचारी पुनः नियुक्त गर्ने सोचेका छन्।
‘हामी निर्वाचित नेताहरुलाई तत्काल सम्झौता गर्न र रोजगार बचाउन बिन्ती गर्छौं’, किर्बीले आफ्ना ज्ञापनपत्रमा कर्मचारीहरुलाई भनेका छन्।
