करिब २ दशकदेखि बन्द रहेका सुदूरपश्चिमका पहाडी विमानस्थलमा नियमित उडान हुने भएको छ।
विमानस्थलको स्तरोन्नति पछि सुदूरका तीन विमानस्थलमा धनगढीबाट नियमित उडान हुने भएको हो।
बझाङमा हप्ताको २ दिन उडान हुने छ। मंगलबार र शुक्रबार। बाजुरामा इकदिन शुक्रबार र बैतडीमा हप्ताको एक दिन मंगलबार उडान हुने नेपाल नागरिक उड्डयन प्राधिकरणका महानिर्देशक राजन पोखरेलले जानकारी दिए।
यी सबै उडान समिट एयरले धनगढीबाट गर्ने छ।
लामो समयदेखि उडान बन्द रहेका यी विमानस्थलको स्तरोन्नति गरेर हालैमात्र परीक्षण उडान गरिएको थियो।