नेपाल उद्योग वाणिज्य महासंघको निर्वाचन भोलिदेखि काठमाडौंमा हुँदैछ। चुनावका लागि उम्मेद्वारहरुले आफ्ना एजेन्डा प्रस्तुत गरिरहेका छन्।
महासंघको साधारणसभामा पदाधिकारी उम्मेद्वारलाई आफ्ना एजेन्डा प्रस्तुत गर्ने समय दिइएको थियो। उक्त अवसरमा बोल्दै जिल्ला नगरको तर्फबाट उम्मेद्वारका रहेका गुननिधि तिवारीले आफू महासंघको उपाध्यक्षमा निर्वाचित भएमा जिल्लाका व्यवसायीलाई महासंघको नेतृत्वमा पुग्ने वातावरण बनाउने दाबी गरेका छन्।
चन्द्र ढकाल प्यानलबाट उम्मेद्वार रहेका तिवारीले अहिलेसम्म जिल्ला नगरको अधिकार धेरै भएपनि त्यसको कार्यान्वयन नभएको बताए।
'पचास प्रतिशत मताधिकार तथा अधिकारको ग्यारेन्टी विधानले गरेको छ। तर त्यसको कार्यान्वयन भने अहिलेसम्म भएको छैन। म नेतृत्वमा आएपछि यसको कार्यान्वयन गर्ने छु। जिल्लाका साथीहरु पनि महासंघको नेतृत्वमा पुग्ने बाटो बनाउने छु' उनले भने।
जिल्लाका व्यवसायीहरुले भोग्दै आएका समस्याको आफै भुक्तभोगी भएको र नेतृत्वमा बएपछि समाधानका लागि काम गर्ने दाबी गरेका तिवारीले घोषणाअनुसारको काम गर्न नसके पदमा नबस्ने दाबी पनि गरेका छन्।
महासंघको चुनाव शनिबार काठमाडौंमा हुँदैन।
