सिजी इलेक्ट्रोनिक्सले आई टेक इन्टरनेशनललाई उजुरी हालेको छ। अनाधिकृत रूपमा ट्रेडमार्क प्रयोग गरेको भन्दै उद्योग विभागमा उजुरी हालेको हो।
जो विरूद्ध उजुरी हालेको हो उसलाई प्रतिक्रिया दिन सात दिनको म्याद निकालिने विभागका कानून शाखा प्रमुख दीपक घिमिरेले जानकारी दिए। उनका अनुसार प्रतिक्रियाका आधारमा निर्णय हुन्छ।
‘कसैले नाम, कसैले लोगो प्रयोग गरेकोले ट्रेडमार्क दर्ता वदर गर्न उजुरी दिएका छन्,’ उनले भने।
कात्तिक महिनामा ९ वटा कम्पनीले ट्रेडमार्क विरूद्ध उजुरी हालेको छ।
विभागले उपलब्ध गराएको तथ्यांकअनुसार प्रोग्रशिभ हर्वल इण्डष्ट्रिजले वेलनेश हर्वल आयुर्वेद फर्मालाई, एशियन विस्कुट एण्ड कन्फेस्नरीले यसोदा फुड, मनकामना एग्रो, घतल प्याकेजिङ उद्योग, ब्रिटानिया इण्डष्ट्रिज र सुजल फुडस्लाई ट्रेडमार्क दावी विरोधी उजुरी हालेको छ।
त्यस्तै, थुन्चानोक करूणान ओनताकिटजाले बाग्मती रबर उद्योग विरूद्ध उजुरी दिएको छ।
