नेपाल उद्योग वाणिज्य महासंघका नवनिर्वाचित उपाध्यक्ष अन्जन श्रेष्ठले सरकारले डेरी व्यवसाय गर्ने नभइ निजी उद्योगलाई सहजीकरण गर्नुपर्ने बताएका छन्। दुग्ध विकास संस्थान (डीडीसी)लाई संरक्षण गरेर सरकारले यस क्षेत्रमा स्वच्छ प्रतिस्पर्धा गर्न नसकेको महासंघका उपाध्यक्ष अञ्जन श्रेष्ठले बताए।
'सरकारले सानो सोच राखेर डेरी व्यवसाय गरिरहेको छ, निश्चित व्यक्तिको स्वार्थलाई पृष्ठपोषण गर्न डीडीसी चलाउन’भन्दा यसलाई निजीकरण गरिनुपर्छ'
नेपाल डेरी एशोसिएसनले महासंघका नवनिर्वाचित पदाधिकारीको सम्मानमा आयोजना गरेको कार्यक्रममा वस्तुगत उपाध्यक्ष श्रेष्ठले भने।
कार्यक्रममा महासंघका अर्का उपाध्यक्ष दिनेश श्रेष्ठले खाद्य वस्तुमासमेत भ्याट लगाउने सरकारी नीतिको आलोचना गरे।