आगामी आर्थिक वर्षमा १ हजार मेगावाट विद्युत थप हुने भएको छ। निर्माणाधीन आयोजनाहरू सम्पन्न भई १ हजार मेगावाट विद्युत् थप हुने सरकारको नीति तथा कार्यक्रममा उल्लेख छ।
प्रतिव्यक्ति विद्युत् खपत आगामी पाँच वर्षभित्र ७ सय किलोवाट घण्टा पुर्याइने भएको छ। आगामी चार वर्षभित्र सबैका लागि स्वच्छ ऊर्जा पहुँच पुर्याइनेछ।
उज्यालो नेपाल अभियानअन्तर्गत सबै नेपालीका घरघरमा बिजुली पुर्याइने नीति तथा कार्यक्रममा उल्लेख गरिएको छ।
निर्माणाधीन विद्युत् आयोजनाहरूबाट व्यावसायिक उत्पादन सुरु हुनु अगाडि प्रसारण लाइन निर्माण सम्पन्न गरिने प्रतिबद्धता जनाइएको छ। कतिपय आयोजना पुरा भए पनि प्रशारणलाइन नहुँदा व्यवसायिक उत्पादन हुन सकेका छैनन्।
पूर्व पश्चिम राजमार्ग र रसुवागढी–काठमाडौं वीरगञ्जकोरिडोरहरूमा ४ सय केभी क्षमताका प्रसारण लाइन निर्माण कार्यलाई तीब्रता दिइने उल्लेख गरिएको छ।
