प्रतिनिधि सभा सदस्य डिला संग्रौलाले रोजगारीको नाममा राज्यकोषको दुरुपयोग भएको बताएकी छन्। संसमा विशेष समय लिएर बोल्दै संग्रौलाले प्रधानमन्त्री रोजगार कार्यक्रमले अहिले सम्म नाला सफा गर्ने, झार उखल्ने, बादर लखेट्नेजस्ता काममा ५ अर्ब खर्च हुन दुखद रहेको बताइन् ।
‘रकम दुरुपयोग भइरहेको अवस्थामा फेरी सरकारले विश्व बैंकबाट १३ अर्ब यहि कामको लागि किन लिन खोज्दैछ ?’, उनको प्रश्न थियो ।
नेपालको श्रम बजार अस्त व्यवस्ता भएको भन्दै उनले व्यापक सुधारको माग गरेकी छन्।
यस्तै संग्रौलाले मलेसियामा तीन महिनादेखि अलपत्र परेका ३५ नेपाली कामदारलाई तुरुन्त नेपाल ल्याउने वातावरण बनाउन सरकारसँग माग गरिन् । उनीहरुले विदेशमा नेपालमा भनिएको काम नपाएको तथा पैसा नपाएको बताउँदै उनले यसरी विदेश पठाएर बेवारीसे छोड्ने जेभिआर जस्ता कम्पनीलाई समेत कारबाहीको लागि सरकारसँग माग गरिन् ।
सरकारले जापान कामदार पठाउने संम्झौता गरेको तर अहिले सम्म पठाउने तयारी नगरेको भन्दै संग्रैलाले जापानी भाषा पठाउने नाममा बेरोजगारहरु ठगिएको दाबी गरिन् ।
सरकारले निशुल्क विदेश पठाउने भनेपनि विचौलिया र विभिन्न विदेश पठाउने कम्पनीले कामदारबाट मोटो रकम असुल्ने गरेको भन्दै उनले भनिन्, ‘विदेश पठाउने भन्दै विचौलियाद्धारा कामदार बाट २ लाख सम्म लिन्छन्, यो सरासर ठगी हो ।’