अन्तर्राष्ट्रिय नागरिक उड्डयन संस्था(आइकाओ)ले नेपाल नागरिक उड्डयन प्राधिकरणलाई प्राविधिकत साहयता गर्ने भएको छ। युरोपको कालोसूचीमा रहेको नेपालको सेफ्टी परिपालना सुधार गर्न आइकाओले साहयता गर्ने भएको छ।
यस सम्बन्धमा नेपाल नागरिक उड्डयन प्राधिकरण र आइकाओबीच सम्झौतामा हस्ताक्षर भएको छ। क्यानडाको मन्ट्रियलमा जारी आयकाओको ४० औं महासभाको अवसरमा उक्त सम्झौता भएको हो।
सम्झौताअनुसार आइकाओले नेपालको हवाई क्षेत्रमा सुधार गर्नुपर्ने उपकरणदेखि विशेषज्ञसम्मका क्षेत्रमा साहयता उपलब्ध गराउने भएको छ।
महासभामा सम्बोधनका क्रममा संस्कृति पर्यटन तथा नागरिक उड्डयन मन्त्री योगेश भट्टराईले युरोपको कालोसूचीबाट मुक्त हुन आइकाओजस्ता संस्थाहरुको सहयोग आवस्यक भएको बताएका थिए।