एसियाली विकास बैंकले नेपालसँगको पाँच वर्षे साझेदारी रणनीति जारी गरेको छ। बैंकले दिगो र सन्तुलित विकासका लागि नेपाल निरन्तर सहयोग उपलब्ध प्रतिबद्धतता जाहेर गरेको छ।
सन् २०२०-२०२४ सम्मका लागि जारी गरिएको उक्त रणनीति बैंकको बोर्डले आज स्वीकृत गरेहो हो।
रणनीतिले निजी क्षेत्रको नेतृत्वमा पूर्वाधार विकास, आधुनिक सेवामा पहुँच, वातावरणीय दिगोपनमा केन्द्रित रणनीति ल्याइएको बैंकले जानकारी दिएको छ।
बैंकले सन् २०२० देखि २०२२ सम्म वार्षिक ५० देखि ६० अर्बसम्मको लगानी हुने अनुमान गरेको छ।
जलविद्युत र वैकल्पिक उर्जाको विकास, सडक र हवाई यातायात क्षेत्रको विकासमा बैंकको सहयोग हुने रणनीतिमा उल्लेख छ। नेपालमा व्यपार सहजीकरणका लागि सहयोग, क्षेत्रीय र अन्तर्राष्ट्रिय सञ्जाल, व्यापार र उत्पादनको लागत न्यूनीकरणसँगै निजी लगानी आकर्षित गर्नका लागि सहयोग जारी हुने बैंकले बताएको छ।
बैंकले हालसम्म नेपालमा ६ खर्ब लगानी गरिसकेको बताएको छ।
