जितपुरसिमरा उपमहानगरपालिकालाई अवैध कर नउठाउन बारा, जिल्ला प्रशासन कार्यलयले पत्र पठाएको छ। इन्धन डिपो अमलेखगञ्ज अगाडिको हाइवेमा नियम विपरित कर नउठाउन नगरपालिकालाई सिडीओ कार्यलयले पत्र पठाएको हो।
‘निगमको इन्धन डिपो अमलेखगञ्ज अगाडि हाइवेमा नियम विपरित जितपुरसिमरा उपमहानगरपालिकाले कर उठाईरहेको भन्ने जानकारी आएको हुँदा सो कार्यलाई यस क्षेत्रबाट बन्द गराईदिनुहुन अनुरोध छ’, पत्रमा उल्लेख छ।
डिपोका अनुसार सो नगरपालिकाले इन्धन डिपो अमलेखगञ्ज अगाडिको हाइवेमा सरसरफाईका लागि भनेर कर उठाउँने गरेको थियो। नियम अनुसार हाइवेमा स्थानीय सरकारले कर उठाउन पाउने छैन।
