बुधबार मन्त्रीमण्डल फेरिएसँगै श्रम रोजगार तथा सामाजिक सुरक्षामन्त्री गोकर्ण विष्ट मन्त्रीमण्डलबाट बाहिरिएपछि आफ्नो आधिकारीक फेसबुक पेजमा स्टाटस लेखे। स्टाटसमा उनले आफूले ज्यामी माहुरीले जस्तै काम गर्ने प्रयास गरेको बताएका छन्।
निर्वतमान मन्त्री विष्टले भनेका छन्, ‘जति दिन श्रममन्त्रीको रुपमा रहेँ, वैदेशिक रोजगारीको नाममा ठगीमा परेका युवाहरु, पसिनाको मूल्य नपाएका श्रमिकहरु र वेरोजगार युवाहरुको पक्षमा इमानदारीपूर्वक ज्यामी माहुरीले जस्तै काम गर्ने प्रयास गरें।’
नयाँ मन्त्रीमण्डलको लिस्टमा विष्ट नपरेपछि सामाजिक सन्जालमा पनि त्यसको चर्चा भइरहेको छ। धेरैले विष्टको कामलाई खानेपानी तथा सरसफाइ मन्त्री विना मगरसँग तुलना गरेका छन्।
सामाजिक संजालमा विष्टलाई हटाउनु र विना मगरलाई मन्त्री परिषद्मा निरन्तरता दिनु कार्यसम्पादन मूल्यङ्कनको आधारमा मन्त्रीमण्डल हेरफेर नभएको बताइएको छ।
विष्ट मन्त्रीमण्डलबाट बाहिरिएपनि थप उर्जा र प्रेरणाका साथ काम गर्ने बताएका छन्। उनले काम गर्ने अवसर दिएकोमा प्रधानमन्त्रीलाई कृतज्ञता प्रकट गरे।