प्रभु ग्रुपले नेपाली झण्डाअंकित कन्टेनर संचालनमा ल्याउने भएको छ।
नेपाल सिपिङ एण्ड मल्टीमोडल ट्रान्सपोर्ट नाम दिएको उक्त कम्पनीले विश्वको जुनसुकै कुनाबाट नेपालमा सामान ल्याउन सकिने बताएको छ।
ग्रुपले अहिले १ हजार ८ सय कन्टेनरबाट सेवा दिइरहेको बताएको छ।
यसलाई बढाएर निकट भविष्यमै ३ हजार पुर्याउने कम्पनीको दाबी छ।
कम्पनीकाअनुसार बन्दरगाहबाट विरगंज भन्सार कार्यलयमा १० दिनमा ल्याउन सकिने बताएको छ।
सेवा सुरु भएपछि सामान ढुवानी गर्न ४५ देखि ६० दिन लाग्ने समय घटाएर ३० दिनमा झार्ने दाबी कम्पनीको छ।
कन्टेनर संचालनमा आएपछि चर्को शूल्क, अनावश्यक झन्झट र सामान ढुवानीमा चाहिने भन्दा बढी समय खर्चिनु पर्दैन, विदेशी सिपिङ कम्पनी प्रयोग गर्दा अग्रिम भुक्तानी गर्नुपर्ने झन्झटबाट नेपाली आयातकर्ता मुक्त हुने कम्पनीको दाबी छ।
कम्पनीको कार्यलय भारत लगायत बंगलादेश, मलेसिया, सिंगापुर र युएइमा छ। यस्तै, कम्पनीले विश्वभरिको जुनसुकै कुनाबाट सामान ल्याउन सक्नेगरी संजाल विस्तार गरेको जनाएको छ।
