नेक्सस क्रिकेट एकेडेमी र काठमाडौं क्रिकेट ट्रेनिङ सेन्टर फाइनलमा प्रवेश गरेको छ।
नेक्सस क्रिकेट एकेडेमीको आयोजनामा मुलपानी क्रिकेट मैदानमा संचालित नेक्सस कप तेस्रो संस्करण अनर्गत बिहीबार सम्पन्न सेमिफाईनलमा नेक्सस क्रिकेट एकेडेमी र काठमाण्डौ क्रिकेट ट्रेनिङ सेन्टर फाइनलमा प्रवेश गरेका हुन्।
पहिलो खेल वाईवाई जीएचसीएलाई नेक्सस क्रिकेट एकेडेमीले २ विकेटले पराजित गर्यो भने दोस्रो खेल चितवन क्रिकेट क्लबलाई काठमाण्डौ क्रिकेट ट्रेनिङ सेन्टरले ८ विकेटले पराजित गरेको छ।
टस हारेर पहिलो ब्याटिङको निम्तो पाएको वाईवाई जीएचसीएले निर्धारित २० ओभरमा ७ विकेट गुमाउँदै ८१ रन बनाउन सफल भएको थियो। वाईवाई जीएचसीएका लागि विशाल पटेलले १८ रन र अमित खड्काले १५ रन बनाएका थिए।
बलिङ तर्फ नेक्सस क्रिकेट एकेडेमीका अनुराग सिंहले २ बिकेट लिए भने क्रिस कार्की र सन्देश पाण्डेले समान १/१ विकेट लिएका थिए।
८२ रनको लक्ष्य पछ्याउँदै जवाफी ब्यटिङमा उत्रेको नेक्सस क्रिकेट एकेडेमीले १६.५ ओभरमा ८ बिकेट गुमाउँदै ८२ रन बनउदा लक्ष्य पुरा गरेको थियो। नेक्सस क्रिकेट एकेडेमीका लागि सुबास ऐरले २० रन, आदित्य सुबेदीले १७ र क्रिस कार्कीले १६ रनको योगदान गरेका थिए।
बलिङतर्फ वाईवाई जीएचसीएका विशाल पटेलले ३ विकेट लिएका थिए। त्यस्तै आरियो पौडेलले २ विकेट र दिपक बोहोराले १ विकेट लिएका थिए। खेलको म्यान अफ द म्याच नेक्ससका क्रिस कार्की घोषित भएका थिए।
दोस्रो खेलमा टस जितेर ब्याटिङ रोजेको चितवन क्रिकेट क्लब १४.३ ओभर खैल्दै सम्पुर्ण विकेट गुमाएर ३९ रनमा समेटिएको थियो। चितवनका लागि प्रशान्त महतले ११ रन बनाउदा अन्य ब्याट्स म्यानहरुले दोहोरो अंक बनाउन सकेनन्।
बलिङतर्फ काठमाण्डौ क्रिकेट ट्रेनिङ सेन्टरका गोपाल जि सीले ४ बिकेट लिदा अथर्ब पौडेल र बिबेक दराईले समान २/२ बिकेट लिए।
झिनो लक्ष्य पछ्याउँदै ब्यटिङ उत्रेको काठमान्डौ क्रिकेट ट्रेनिङ सेन्टरले ९.२ ओभरमै २ विकेट गुमााउँदै ४२ रन बनाएर लक्ष्य भेट्टाएको थियो।
बलिङतर्फ चितवन काकिर्जन गुरुङले १ बिकेट लिएका थिए। खेलको म्यान अफ द म्याच केसिटिसीका गोपाल जिसी घोषित भएका थिए।
