उद्योग, वाणिज्य तथा आपूर्तिमन्त्री लेखराज भट्टले एउटा परिवालाई मासिक रूपमा एउटा सिलिण्डर ग्यास दिन उद्योगीलाई निर्देशन दिएका छन्।
राज्यभर गरेको लक डाउनको परिस्थितिमा दैनिक उपभोग्य बस्तु पेट्रोलियम पदार्थ विशेषत ग्याँसको उपभोग तथा विक्री वितरण व्यवस्थित बनाउन उक्त निर्देशन दिएका हुन्।
बिक्री गरिएको उपभोक्ताको नाम, ठेगाना, नागरिकता नं. र फोन नम्बर प्रष्ट खुलेको रेकर्ड समेत राख्नु पर्नेछ।
वर्तमान परिस्थितिमा अत्यावश्यक सेवाको सूनिश्चितताको लागि प्रत्येक ग्याँस उद्योगले आफ्नो उद्योगको २ दिनको सिलिण्डर विक्री बराबरको परिमाण तयारी अवस्थामा राख्न पर्नेछ।
ग्यास उद्योगले आफ्नो विक्रेताहरुकोमा रहेका सवै खाली सिलिण्डरलाई यथाशिघ्र उद्योगमा केन्द्रिकृत गर्नु पर्नेछ।
साथै ग्यास उद्योगले डिलरलाई विक्री गरिको सिलिण्डरको परिमाण र डिलरले उपभोक्तालाई विक्री गरेको परिमाण नियमित रुपमा परिक्षण गर्नु पर्नेछ ।
ग्यासँ उद्योगीहरुले आफुसंग भएको ग्याँसको शुरुको मौज्दात, भन्सारबाट आयात भएको परिमाण, उद्योगमा स्ट्णण्डवाई वसेको बुलेटको परिमाण, गोदाममा भरिराखिएको सिलिण्डरको परिमाण र अघिल्लो दिन विक्री वितरण गरिएको परिमाण सहितको क्लोजिङ्ग स्टक देखिने विवरण विहान कार्यालय समयमा जिल्ला प्रशासन कार्यालय तथा निगमको एलपिजी विभागमा पठाउन मन्त्री भट्टले निर्देशन दिएका छन्।
साथै वर्तमान अवस्थामा ग्यास उद्योगहरुको भण्डारण अत्याधिक न्यून रहेको हुनाले ग्यास उद्योगको भण्डारण गृहलाई नेपाल आयल निगमले नेपाल सरकारको आकस्मिक परिस्थिति जन्य मागलाई धान्नको लागि भण्डारण गृहको रुपमा प्रयोग गर्नेछ।
यस्तो भण्डारण गृहमा गरिने मौज्दात सम्वन्धित उद्योगको भण्डारण क्षमताकोे करिव ५० प्रतिशतसम्म हुने र एक महिनाभित्र उक्त कार्य पुरा गर्ने व्यवस्था मिलाइने मन्त्री भट्टले बताएका छन्।