सरकारको लकडाउन उलंघन गरेर सवारी साधन निर्वाध चलेपछि चितवनमा स्थानीय युवाले पुरा गाउँ नै सिल गरेका छन्।
मुल सडक प्रहरीको निग्रानी बढेपछि शाखा सडकमा धेरै सवारी साधन चलेकोले रत्ननगर नगरपालिका वडा नम्बर १० र १२ मा पर्ने घेघौली गाउँ सिल गरिएको स्थानीयले बताए।
धेरै व्यक्तिले सरकारको निर्देशनलाई ख्याल ठट्टा मानेर लापरवाही गरेको कारण सडकमै बार लगायर सिल गर्नु परेको स्थानीय युवा आयुस न्यौपानेले जानकारी दिए। सिल गरिए पनि अत्यावश्यक सवारीसाधन आउँदा सडकको अवरोध हटाइने न्यौपालेले जानकारी दिए।
लकडाउनको समयमा दैनिक १ सय को हाराहारीमा मोटरसाइकल र केही चारपांग्रे सवारी साधन चलेको स्थानीय सुदन भण्डारीले जानकारी दिए।
रत्ननगरमा आज मात्र लकडाउन उलंघन गर्ने १३ ओटा साइकल र २१ ओटा मोटरसाइकल नियन्त्राणमा लिइएको अस्थाई ट्राफिक प्रहरी पोष्ट टाडीँमा सई सुरेन्द्र विष्टले जानकारी दिए।
‘पछिल्लो समय हामीलाई केही सहज भएको छ। सर्वसाधारण जनता आफै सचेत भएर बाहिर निस्किनु भएको छैन। त्यस्तै जनप्रतिनिधी र स्थानीयले पनि आफ्नो ठाउँबाट सहयोग गरिरहनु भएको छ’,उनले भने।
