युरोपियन युनियनका अर्थमन्त्रीहरु कोरोना भाइरस महामारीबाट अत्याधिक प्रभावित युरोपेली राष्ट्रहरुलाई ५०० बिलियन युरोको उद्धार प्याकेज उपलब्ध गराउन सहमत भएका छन्।
युरो ग्रुपका अध्यक्ष मारियो सेन्टोनोले ब्रसेल्समा भएको लगातारको छलफल पछि उक्त सम्झौता घोषणा गरेका हुन्।
अन्तराष्ट्रिय मुद्रा कोषका प्रमुखले विश्वले सन् १९३० यताको सबैभन्दा खराब आर्थिक संकट बेहोरिरहेको चेतावनी दिएकी छन्।
ब्रसेल्स बैठकमा युरोपियन युनियनका मन्त्रीहरू फ्रान्स र इटालीले कोरोना बोन्ड जारी गरेर संकट समाधान गर्नुपर्ने मागमा भने सहमत भएनन्।
सहमती भएको प्याकेज युरोपियन सेन्ट्रल बैंकले आग्रह गरेको भन्दा सानो हो।
बैंकले १.३ ट्रिलियन युरोको प्याकेज ल्याउनुपर्ने सुझाब दिएको थियो।