किंग्स कलेजले शुक्रबार ‘इम्ब्रेसिग द क्यावस’ शिर्षकको अन्तर्राष्ट्रिय भर्चुअल कन्फरेन्स आयोजना गरेको छ।
उक्त कन्फरेन्समा विभिन्न राष्ट्रका प्राध्यापक तथा शिक्षक, नेपाली उद्यमी, विद्यार्थी, शिक्षक, विद्यालयका नेतृत्वकर्ता तथा शिक्षाक्षेत्रमा चासो राख्ने करिब ८५ जना राष्ट्रिय तथा अन्तर्राष्ट्रिय सहभागीता थियो।
आज बिहान ७ देखि ११ः३० सम्म चलेको उक्त कन्फरेन्स भर्चुअल माध्यमद्धारा संचालित नेपालकै पहिलो अन्तराष्ट्रिय कन्फरेन्स हो।
कोरोना भाइरसको कारण राष्ट्रहरुले बन्दाबन्दी (लकडाउन) को घोषणा गरेसँगै शैक्षिक संस्थाहरुले अनलाईन कक्षा संचालन गरिरहेका छन्।
अनलाईन कक्षासम्बन्धी अन्तर्राष्ट्रिय जगतको अनुभव, शिकाइ, विश्लेषण, सफल अभ्यास तथा अनुसन्धानमाथि विचारविमर्श गर्नु कन्फरेन्सको उद्देश्यो थियो।
साथै नेपालका शैक्षिक संस्थाहरुलाई अझ शसक्त ढंगबाट अनलाईन कक्षा संचालन गर्न सक्षम बनाउने अभिप्रायले उक्त भर्चुअल कन्फरेन्सकाे आयोजना गरिएको हो।
अनलाईन कक्षाबारेको बुझाइलाई थप गरी यससम्बन्धी कठिनाइको समाधान विकास गर्न कन्फ्रेन्स्को अर्को उद्देश्य थियो।
‘अनलाईन कक्षाको सम्भावना तथा सिमितता, गुणदाष लगायतबारे विश्लेषण गर्दै शिक्षण संस्थाहरुले यसका लागि आफूलाई कसरी तैयारी राख्न सक्छन् भन्ने विषयको अन्वेषण पनि यसको लक्ष्य रहेको थियो’, अन्तर्राष्ट्रिय भर्चुअल कन्फ्रेन्स्को संयोजक तथा कलेजका प्राचार्य उद्गम खड्काले भने।
अनलाईन शिकाइ, चुनौती र अवसार, अनलाईन शिक्षाको शिक्षण विधी, अनलाईन शिक्षाको लागि प्रविधीको एकिकरण र विश्वमहारीको समयको शिक्षण विधी लगायत मुख्य विषयबस्तु रहेको सो कन्फ्रेन्स् जुम प्ल्याटफर्ममार्फत संचालन गरिएको थियो।
भर्चुअल तरिकाले संचालन गरिएकाता पनि कन्फ्रन्सले सहभागीहरुलाई दुई समूहमा विभाजन गरी समानान्तर शत्रहरु पनि चलाइको थियो।
शिक्षा, विज्ञान तथा प्रविधी मन्त्री गिरीराजमणी पोखरेलको अनलाईन सहभागीता रहेको सो कन्फ्रेन्स्मा बेन्ट्ले विश्वविद्यालयका प्रध्यापक तथा हाबार्ड विश्वविद्यालयका अतिथी प्रध्यापक बिल सियानो प्रमुख वक्ताको रुपमा उपस्थित भएका थिए।
अनलाईन शिक्षालाई अंगिकार गर्नुपरेता पनि विभिन्न पक्षबाट हेर्दा यो जटिल देखिएको वर्तमान सयमा अनलाईन शिकाइसम्बन्धमा संचालित यस भर्चुअल कन्फरेन्स नेपालको समग्र शिक्षाक्षेत्रको लागि उपयोगी हुने शिक्षामन्त्री गिरिराजमणी पोखरेलले बताए ।
कोरोना भाइरसको महामारीपूर्व नै नेपालको शिक्षालाई दूर शिक्षा वा अनलाईन शिक्षामा लैजान सरकारीस्तरबाट विभिन्न पहल भइसेकेको बताउँदै उनले अनलाईन कक्षालाई बढीभन्दा बढी अन्तरक्रियात्मक बनाउनुपर्नेमा जोड दिए।
‘कोरोना भाइरसले शिक्षा क्षेत्रमा पारेको प्रभावलाई अध्ययन गर्न हामीले एउटा समिति गठन गरिसकिएका छाै,’ उनले भने, ‘सो समितिले गरेको अध्ययनको निश्कर्षको आधारमा शिक्षा क्षेत्रको भविष्यको दिशा तय गरिनेछ।’
किंग्स कलेजका कार्यकारी निर्देशक नरोत्तम अर्यालले कन्फरेन्सलाई सम्बोधन गर्दै अहिलेको संकटको घडीमा सरकारी वा नीजि क्षेत्र भनेर बस्नुभन्दा पनि एकअर्कासँग सहकार्य र समन्वय गर्दै अगाडी बढ्नुपर्ने आवश्यकता रहेको बताए।
