हाईलाइफ फुड प्रोडक्ट प्रा.लि. बुटवल–१०, रुपन्देहीले भारतबाट फर्केर क्वारेण्टाइनमा बसेकालाई खाद्य सामग्री दिएको छ।
कम्पनिले आफ्नै उद्योगबाट उत्पादित चिउरा, सोयाविन मस्यौरा, कर्नफ्लेक्स, ओट्स लगायतका खाद्य सामाग्री दिएको हो।
बिहीबार बुटवल, वडा ४ कान्ति मा.वि.को क्वारेन्टाईनमा रहेका ११० जनाको लागि मिश्रीत खाद्यान्न प्याकेज उक्त वडाका वडा अध्यक्ष टंक प्रसाद पराजुलीलाई दिइएको हो।
उक्त कम्पनीले यस विषम परिस्थितीमा निकै सह्रानीय काम गरेकोे अध्यक्ष पराजुलीले बताए।
त्यस्तै सोही दिन कम्पनिले तिलोत्तमा–२, स्थित दुर्गादत्त माध्यामिक विधालयको क्वारेन्टाईनमा रहेका ४५ जनाका लागि खाद्य त्यस सामग्री दिएको छ।
वडाका वडा अध्यक्ष दधिराम गौतमलाई खाद्य सामाग्री दिइएको हो।उक्त कम्पनीले उत्पादन गर्ने सबै खाद्यान्नमा नेपालकै ९० प्रतिशत कच्चा पदार्थ प्रयोग गरी उच्च गुणस्तरको रहेको कम्पनीको भनाई छ।
