खानी तथा भुगर्भ विभागले नुनदेखि सुनसम्मका खानीको अध्ययन तथा उत्खनन गर्न कम्पनीलाई लाइसेन्स दिने भएको छ।
विभागले सुन, तामा, चुनढुंगा, नुन, कोइला, ग्रेनाइट र केओलिन लगायत १० वटा खानी क्षेत्रकाे अध्ययनका लागि लाइसेन्स वितरण गर्न बुधबार सूचना प्रकाशित गरेको छ।
यीमध्ये चुनढुंगा खानी दुईवटा र नुन तथा ग्रेनाइट खानी एक/एकवटाको उत्खनन अनुमति दिने भएको छ।
त्यस्तै तीनवटा तामा खानी तथा एक/एक वटा सुन, केओलिन र कोइला खानीका लागि भने अध्ययनका लागि मात्र बोलपत्र आह्वान गरिएको छ।
खानीको उत्खनन तथा अध्ययन गर्न इच्छुक कम्पनीहरूले ३५ दिनभित्र विभागमा आवेदन दिनुपर्ने छ।