नेपाल प्रहरीको फरार सूचिमा परिसकेका स्वास्थ्य व्यवसायी कैलाश खड्कालाई सरकारले श्रमिकको हक हितमा काम गर्ने वैदेशिक रोजगार बोर्डको सदस्यमा नियुक्त गरेको छ।
बैदेशिक रोजगारीका क्रममा मलेसिया जाने कामदारहरुसँग थप रकम असुल गरेको कारण प्रहरीको पक्राउ सूचिमा परेका खड्कालाई सरकारले बोर्डको सदस्यमा नियुक्त गरेको हो।
खड्कालाई सिन्डिकेड खडा गरी बायोमेट्रिक, बायो मेडिकल लगायत विभिन्न नाममा श्रमिकसगँ १८ हजारसम्म अधिक रकम उठाएर १ अर्ब ९७ करोड रुपैयाँभन्दा बढी ठगी गरेको आरोप लागेको थियो।
आफूले राम्रोसगँ बुझेर मात्र खड्कालाई बोर्डको सदस्यमा नियुक्त गरेको श्रम रोजगार तथा सामाजिक सुरक्षामन्त्री रामेश्वर राय यादवले बताए।
‘उहाँ कुनै समय फरार सूचिमा हुनुहुदो रहेछ तर अदालतले उहाँलाई सफाई दिइसकेको छ,’ यादवले सेतोपाटीसगँ भने ‘त्यस्तै उहाँ पहिलेदेखि नै मन्त्रालयमा विज्ञको रुपमा पनि काम गरिरहनु भएको छ,।
