साझा बसमा यात्रुहरुको कारणले व्यक्तीगत दुरी र सरकारको मापदण्ड पूरा नभए चालकले गाडी अगाडि नबढाउने भएको छ।
यात्रु र गाडी स्टाफको स्वास्थ्य सुरक्षालाई मध्यनजर गर्दै साझामा यात्राको लागि मापदण्ड बनाइएको साझा यातायातका निमित्त प्रमुख कार्यकारी अधिकृत महेन्द्र राज पाण्डेले जानकारी दिए।
‘यात्रुले अनिवार्य मास्क, पञ्जा वा स्यानिटाइजर, चढ्दा र ओर्लिदा सामाजिक दुरी, खुद्रा पैसाको व्यवस्था, तोकिएको सिटमा बस्ने लगायतका नियम पालना गर्नु पर्नेछ। यी नियम पालना नभए गाडी अगाडि बढ्ने छैन र यसको जवाफदेही यात्रु स्वयंम हुनेछन्,’ पाण्डेले सेतोपाटीसगँ भने।
साझाले गत साउन १ देखि उपत्यकाका ८ रुटमा २६ बस सञ्चालन गरिरहेको छ।
