सरकारले हाल संचालनमा रहेका ७ वटा ढाटबाट आर्थिक वर्ष २०७६/७७ मात्रै ३५ करोड भन्दा धेरै रकम उठाएको छ।
देशभर ७ स्थानको ढाटबाट ३५ करोड ४० लाख ७६ हजार ८ सय १९ रुपैयाँ कमाएको सडक बोर्डले जनाएको छ।
बोर्डले नौविसे–मुग्लिन सडक खण्डबाट १५ करोड ५२ लाख ५१ हजार ४६ रुपैयाँ, हेटौडा नारायणगढ सडक खण्डबाट ९ करोड ३ लाख ७७ हजार १ सय ५०, नारायणगढ–बुटवल सडक खण्डबाट ४ करोड ६७ लाख ३ हजार १ सय, भैरहवा–भुहमी सडकखण्डबाट ७४ लाख ३४ हजार ४ सय, खुर्कोट–सिन्धुली–बर्दिबास सडकखण्डबाट २ करोड १५ लाख, ६१ हजार ८ सय ३, धुलिखेल–खुर्कोट–सिन्धुली सडकखण्डबाट २ करोड ७४ लाख ५० हजार ८ सय ७५ र पाँचखाल–मेलम्च सडक खण्डबाट ५२ लाख ९८ हजार ४ सय ४५ रुपैयाँ उठेको बोर्डले जानकारी दियो।
यी मध्ये अधिकांश ठाउँमा निजी कम्पनीलाई ठेक्का लगाएर पैसा उठाइएको छ भने ठेक्का लाग्न नसकेका ठाउँमा बोर्डले सम्बन्धित सडक डिभिजनलाई जिम्मा दिइएको सडक बोर्डका कार्यकारी निर्देशक कृष्ण सिंह बस्नेतले बताए।
विपी राजमार्गअन्तर्गत धुलिखेल–खुर्कोट–सिन्धुलीमा ठेक्का नपरेको कारण बोर्डले ढाट उठाउने जिम्मा सडक डिभिजनलाई जिम्मा दिएको छ।
ढाटबाट उठेको रकम जुन सडकखण्डबाट उठायो त्यही सडक मर्मत संहार गर्न प्रयोग गरिने बस्नेतले जानकारी दिए।