भन्सार विभागले बढी जनसम्पर्क हुने काम अनलाइन माध्यमबाटै दिने भएको छ।कोरोना संक्रमणको जोखिम बढेको भन्दै विभागले अत्यावश्यक सेवालाई अनलाइन माध्यमबाट दिने छ।
विभागले जारी गरेको सूचनाअनुसार नीति महशुल तथा वर्गिकरणको काम लिनका लागि इमेलबाटै आवेदन गर्न सकिनेछ। कुटनीतिक तथा मशुल छुट सम्बन्धिको सेवा लिनका लागि तोकिएको इमेलमा आवेदन पठाउनुपर्ने छ। त्यसको जवाफ विभागले इमेलबाटै दिने छ।
जिम्वेवार अधिकारीहरुलाई सोझै सम्पर्क गर्नसक्ने सुविधा पनि उपलब्ध हुने विभागले जानकारी दिएको छ। यसका लागि फोन नम्बर उपलब्ध गराइएको छ।
एक्जिम कोड खारेज तथा नविकरण, नयाँ प्राप्तिका लागि पनि अनलाइनबाटै सेवा पाइने विभागले जानकारी दिएको छ।