उपभोक्ता हित संरक्षण मञ्चले व्यापारीको स्वार्थको लागि पानीको मूल्य बढाइएको भन्दै संसदिय समितीमा उजरी दिएको छ।
वाणिज्य, आपूर्ति तथा उपभोक्ता संरक्षण विभागले नै व्यापारीलाई कार्टेलिङ गर्न सहज हुनेगरी अधिक्तम खुद्रा मुल्य तोकेकोले उजुरी दिइएको मञ्चका अध्यक्ष ज्योती बानियाँले जानकारी दिए।
‘उपझोक्ताले ३० देखि ४० रुपैयाँसम्म पाइरहेको पानीको अधिक्तम खुद्रा मुल्य ५० तोक्नु भनेको व्यवसायीलाई कार्टेलिङ गर्न बाटो खोलिदिनु हो,’ उनले सेतोपाटीसगँ भने।
संसदिय समितीमा उजुरी दिनुको साथै विभागीय मन्त्री लेखराज भट्टलाई ध्यानाकर्षण पत्र पनि बुझाएको उनले बताए।
बानियाँका अनुसार मन्त्री भट्टले मूल्य पुनारावलोकन गर्ने प्रतिवद्धता दिएका छन्।
मन्त्रालय स्तर र संसदिय समितीले पनि पानीको मूल्य पुनारावलोकन नगरे मञ्च अदालतको ढोका ढक्ढकाउन बाध्य हुने बानियाँले चेतावनी दिए।
वाणिज्य, आपूर्ति तथा उपभोक्ता संरक्षण विभागले बजारमा ३५ देखि ४० रुपैयाँसम्म पाइने जारको पानीको अधिकतम खुद्रा मूल्य ५० तोकेको थियो।
नयाँ मूल्य भदौ १० बाट लागू हुने विभागले जनाएको छ।