विश्व बैंक समूहले वर्षेनी प्रकाशित गर्दै आएको डुइङ बिजनेस रिपोर्टमा अनियमिताको आशंका गरिएको छ। पछिल्ला २ रिपोर्टमा डेटा परिवर्तन लगायतका अनियमितता देखिएपछि छानविन गर्ने भएको छ।
तोकिएको विधि विपरीत हुनेगरी डेटा राखिएको पाइएपछि तत्काल रिपोर्ट स्थगन गरी अनुसन्धानका लागि विश्वबैंक समूह बोर्डमा आग्रह गरिने भएको छ।
सन् २०२० को रिपोर्टमा नेपालले १६ स्थान सुधार गरेको थियो।
विश्व बैंकले जारी गरेको विज्ञप्तिमा गएको पाँच वर्षका रिपोर्टको एसिसमेन्ट गरिने तथा समूहको बोर्डमा स्वतन्त्र आन्तरिक अडिटको टोली गठन गर्न आग्रह गरिने उल्लेख गरिएको छ। त्यसरी गठन भएको समितिले डेटा कलेक्सनदेखि प्रस्तुतिसम्मका कुरामा समिक्षा गर्ने छ।
यसरी छानविन भएर निष्कर्ष नआउन्जेल रिपोर्ट रोक्ने भएको छ।
गएकव १७ वर्षदेखि प्रकाशित हुँदै आएको यो रिपोर्टमा कुनै पनि सदस्य राष्ट्रहरुमा व्यापार गर्ने वातावरणको मूल्यांकन हुँदै आएको छ। सरकारी नियमन तथा कर प्रणाली लगायतका विषयमा हुने सहजताका आधारमा अंक दिएर र्यांकिङ गरिंदै आएको थियो।
२०१९ को रिपोर्टमा नेपालले पनि असन्तुष्टि जनाएको थियो।
