नेपाली खाद्यान्न बजारमा छोटो समयमा स्वाद दिन सफल बिरयानी लङग्रेन ब्रान्डले महामारीका बेला खाना खान नपाएका भोकालाई खाना दिने भएको छ। सामाजिक उत्तरदायित्वअन्तर्गत विरयानी ब्राण्डको चाहना हरेक भोको पेटमा खाना भन्ने मुल उद्देश्यअनुरूप खाना दिने भएको हो।
बिगत छ महिनादेखिको लामो लकडाउनले हजारौं मानिसहरु रोजगारी गुमाउन बाध्य छन्। अहिले बजारमा रोजगारी पाउन सक्ने सम्भावना पनि छैन यस्तो अवस्थामा भोकै जीवन विताउन बाध्य भएका मजदुर र गरीबहरुको भोक मेटाउन खाना बाड्न लागेको कम्पनीका सञ्चालक केदार रिजालले बताए।
कम्पनीले आजबाटै प्रत्येक २० केजीको बोरा बिक्री बापत आउने ५० रुपैयाँ छुट्याएर विश्व व्यापी माहामारीको बेला खान नपाएका हरेक व्याक्तिहरुलाई खान दिने योजना बनाएको छ।
उनकाअनुसार एक महिनामा करिब २ सय टन बोरा चामल बिक्री हुन्छ। २० केजी बोराको २५ सय रूपैयाँ पर्छ। प्रयेक बोराबाट ५० रूपैयाँ छुट्याउँदा महिनामा लगभग २ लाख ५० हजार हुन आउँछ।
‘सुरूवात हामीले ५० रूपैयाँ छुट्याएर गर्न लागेका छौं, त्यसले नपुगे हामी आफै पैसा हालेर भएपनि खाना खुवाउँछौ,’ उनले भने।
उनकाअनुसार खाना बनाउन भने अन्य मानिसलाई केही रकम दिएर लगाइन्छ। खानामा दाल, भात र तरकारी हुने छ। त्यसको प्याकेट बनाएर उनीहरू आफैले बाड्ने छन्।
देशका मुख्य सहरहरू काठमाडौ उपत्यका, पोखरा र विराटनगरबाट भोलिदेखिनै खाना दिन सुरू गरिने उनले बताए।
महामारी पछिको दुईतिन महिनासम्म खाना बाड्ने योजना रहेको कम्पनी सञ्चाकल रिजालले बताए।
‘महामारी पछिको केही समय समस्या हुने भएकाले हामीले महामारी पछिको दुईतिन महिनासम्म खाना बाड्ने योजना बनाएका छौं,’ उनले भने।
पछि विस्तारै अन्य अन्य शहरमा पनि खाना बाड्ने योजना कम्पनीको छ।
