काठमाडौंबाट भारतको नयाँ दिल्लीमा हुने हवाई उडानको संख्या बढ्ने भएको छ।नेपाल नागरिक उड्डयन प्राधिकरणले यो रुटमा उडान संख्या बढाउने निर्णय गरेको छ।
हालसम्म हप्तामा दुई उडान हुँदै आएकोमा भोलिदेखि ६ उडान हुने छन्। अबदेखि नेपाल एयरलाइन्स र एयर इन्डियाले हप्तामा ३/३ उडान गर्ने छन्।
उडान संख्या न्यून भएपछि भाडा आकाशीएको थियो। पाँचगुणासम्म भाडा बढेपछि यात्रुहरु मारमा परेका थिए।
उडान संख्या बढाउने निर्णय गरिएपछि भारतसँगको उडान एयरबबलमा आधारित हुने छ।
