यसपालि त बाआमा नि लिन नजा भन्दैछन्
विषम् यस्तो परिस्थिति डर मान्दैछन्
यसपालि त खुसी छैनौं तीज आयो भनेर
नबसे है दिदी तिमी दिन गनेर
भोग्नुपर्यो अहिले साल कोरोनाको कहर
दिदीबहिनी नगर है तीजको रहर
दिदी तिमी सक्षम छौ कुरा पनि बुझ्दछ्यौ
बैनीलाई संझाएर कुरा बुझाउदेऊ
वल्लो गाउँ पल्लो गाउँ जान कतै हुँदैन
यसपालिको तीजमा भाइ लिन आउँदैन
दिदी तिमी नभन है भाइ लिन आएन
कोरोनाले बाटो छेक्यो आउनै पाइन
भाञ्जा भाञ्जी रूञ्छन् होला तिनलाई पनि भनिदेऊ
अर्को सालको तीजमा लिन आउछ भनिदेऊ
संसारलाई खाइसक्यो पापी रहिछ कोरोना
हेर दिदी बेरै छैन हामी मोरन
ठाउँमा राख साबुनपानी हात धुन सिकाऊ
ल है दिदी परिवार तिमीले बचाऊ
कथं बाहिर जानुपरे स्यानिटाइजर दलेर
हिँड्नुपर्छ भन दिदी मास्क लाएर
समाजलाई बचाउन यस्तो काम गर्नुछ
नत्र यहाँ कोरोनाले ध्वस्त पार्नेछ
बचाउँ आफ्नो संस्कृतिलाई ब्रत तिमी बसेर
दियो जगाइ राख दिदी तेल थपेर
शिवजीको आराधना पार्वतीको सम्झना
श्रृगांरिएर लाऊ तिमी हातमा कङ्गना
टीका लाउने ब्राम्हण पनि नलेऊ दिदी घरमा
कोरोनाको डर छ है गाउँ सहरमा
हलगोरू होलान् दिदी लैनो भैंसी गोठमा
मिठो हाँसो देख्न पाऊँ तिम्रो ओठमा
अब सोध्छु भिनाजुको हालखबर कस्तो छ?
सालोलाई त भिनाजुले बिर्से जस्तो छ
राम्रै काम मिल्ला तिम्रा सिर्जनशील हातमा
नआत्तिइ काम गरे भाइ छ साथमा
बालबच्चा खुसी राख परिवारमा हाँसेर
अर्को साल रमाउला तीजमा नाँचेर
