नेकपाका सांसद गणेश पहाडीले अख्तियार दुरूपयोग अनुसन्धानका आयोगका आयुक्त राजनारायण पाठकले पदबाट राजीनामा दिएको विषयबारे निष्कर्षमा पुग्न सरकारसँग माग गरेका छन्।
संसदको शून्य समयमा पहाडीले अख्तियारका आयुक्तलाई नै भ्रष्टाचारको अभियोग लागेको उल्लेख गर्दै कानुन बमोजिम निष्कर्षमा पुग्न माग गरेका हुन्।
पाठकलाई कारबाही गर्ने विषयमा पछिल्लोपटक अन्यौलता छ। पाठककले भ्रष्टाचार गरेको सार्वजनिक भएलगत्तै राजीनामा दिएका थिए। उनीविरूद्ध अख्तियार कारबाही अगाडि बढाउनेमा अन्यौलमा छ।
संवैधानिक आयोगमा नियुक्त व्यक्तिलाई कारबाही कार्यक्षेत्र भए नभएकोमा अख्तियार अलमलिएको हो। अर्कोतर्फ कानुन व्यवसायीहरूले भने अख्तियारले नै पाठकलाई कारबाही गर्नुपर्ने बताउँदै आएका छन्।