नेपाल कम्युनिस्ट पार्टी (नेकपा) का अध्यक्ष पुष्पकमल दाहालले पार्टी एकता छिट्टै टुंगिने बताएका छन्।
हल्ला भएको दिनमा एकता हुन सक्ने नसक्ने भन्न नसके पनि छिट्टै एकता टुंग्याउने उनले बताए।
युवा संघ नेपालको २९ औं स्थापना दिवसको अवसरमा बुधबार काठमाडौंमा अध्यक्ष दाहालले एकता टुंगिसक्यो भने पनि हुने बताए।
‘अब एकता टुंगिसक्यो,’ उनले भने, ‘हल्ला भएको दिन एकता हुन्छ कि हुँदैन म भन्न सक्दिनँ तर एक दुई दिनमा सबै एकता टुंगिसक्छ।’
जिल्लाको एकता टुंगिएकै दिन पार्टी एकता टुंगिसकेको उनले बताए।
उनले युवा र नेताहरुको साथ पाएमा नयाँ-नयाँ काम गर्न चाहेको बताए।
‘नयाँ/नयाँ काम गरेर मर्न मन छ,’ उनले भने।
उनले युवा संगठनको एकता भने ३ गते नै टुंग्याउन चाहेको बताए। प्रधानमन्त्री केपी शर्मा ओली आज स्वदेश फर्कने र भोलि बिहान बैठक गरेर एकता टुंग्याउनेबारे छलफल गर्ने दाहालले बताए।