राष्ट्रियसभामा ‘आर्थिक वर्ष २०७६/७७ को राजस्व र व्ययको वार्षिक अनुमान (बजेट) माथिको सामान्य छलफल जारी रहेको छ।
राष्ट्रियसभाका उपाध्यक्ष शशीकला दाहालले यही जेठ २३ गतेसम्म सामान्य छलफल हुने भनिएता पनि २३ गतेको बैठक २७ गते बस्ने जानकारी दिइन्।
बजेटमाथिको सामान्य छलफल आजदेखि तीन दिनसम्म चल्ने भनिएको थियो। बजेटमाथिको छलफलमा सांसद कोमल ओलीले बजेट जनचाहनाको दस्तावेजका रूपमा आएको र यो न्यायसहितको विकासको स्पष्ट रूपरेखा भएको बताइन्।
उनले कृषिको आधुनिकीकरण र व्यवसायीकरणमा ध्यान दिनु बजेटको महत्त्वपूर्ण पक्ष रहेको उल्लेख गरिन्।
सांसद सुमनराज प्याकुरेलले बजेटमा ज्येष्ठ नागरिकलाई केन्द्रमा राख्नु स्वागतयोग्य भएको र समाजका सबै वर्ग र समुदायकलाई समेटेको बताइन्।
राष्ट्रियसभाको अर्को बैठक यही जेठ २७ गते बिहान ११ बजे बस्नेछ ।
