सत्तारूढ नेपाल कम्युनिस्ट पार्टी (नेकपा)का प्रतिनिधिसभाकी सांसद रामकुमारी झाँक्रीले प्रदेश सरकारका मुख्यमन्त्रीहरूले कामै गर्न नसकेको आरोप लगाएकी छन्।
सांसद झाँक्रीले पुँजीगत खर्चसमेत गर्न नसकेको संघीय सरकारले बजेट कम दियो भनेर आलोचना नगर्न पनि प्रदेश सरकारलाई सचेत गराइन्।
मंगलबार काठमाडौंमा आयोजित ‘बजेटमा युवा बहस’ कार्यक्रममा बोल्दै उनले आफू काम नगर्ने तर संघीय सरकारले संघीयतालाई कमजोर बनायो भन्ने छुट प्रदेश सरकारलाई नरहेको स्पष्ट पारिन्।
कार्यक्रममा बोल्दै प्रमुख प्रतिपक्ष नेपाली कांग्रेसका प्रतिनिधिसभाका सांसद प्रकाश रसाइलीले सरकारले युवाहरूलाई स्वदेशमै रोजगारीको अवसर सृजना हुनेगरी बजेट ल्याउन नसकेको बताए।
उनले युवाहरूलाई परिचालन गरेर देश बनाउने अभियानमा सरकार क्रियाशील नभएको दाबी गरिन्।
सांसद रसाइलीले युवाहरूलाई स्वदेशमै परिचालन गर्न सकेमात्रै मुलुक समृद्धिको बाटोमा अग्रसर हुने स्पष्ट पारे।