नेपाली कांग्रेसले धनगढी र कञ्चनपुरमा हावाहुरीबाट जनधनको क्षति भएको भन्दै राष्ट्रिय जागरण अभियानका पूर्वनिर्धारित कार्यक्रम स्थगित गरेको छ।
धनगढी र कञ्चनपुरमा जागरण अभियान अन्तर्गत र्याली, आमसभाका कार्यक्रम तय भए पनि दुई जिल्लामा स्थगित गरेको कांग्रेसका मुख्य सचिव कृष्णप्रसाद पौडेलले विज्ञप्ति निकालेर जानकारी दिएका छन्।
‘जेठ २५ गते सबै जिल्लाहरुमा र्याल सहित आमसभा गरेर जागरण अभियान समापन गर्ने केन्द्रको परिपत्र रहेता पनि कैलाली र कञ्चनपुरमा हावाहुरीका कारण हुन पुगेको मानवीय एवं भौतिक क्षतिप्रतिको संवेदनशीलतालाई आत्मसात गरी उक्त दुई जागरण अभियानको पूर्व निर्धारित सम्पूर्ण कार्यक्रमलाई राहत र उद्धारको कार्यमा रुपान्तरण गर्न तथा जिल्लामा तोकिनु भएका केन्द्रीय प्रतिनिधि र पार्टीका सम्पूर्ण साथीहरुलाई प्रभावित क्षेत्रमा मानवीय उद्धार र राहतको कार्यमा जुट्न यसै विज्ञप्ति मार्फत नेपाली कांग्रेस आग्रह गर्दछ,’ विज्ञप्तिमा भनिएको छ।
साथै कांग्रेसले घाइतेको उद्धार र प्रभावितलाई राहत उपलब्ध गराउन सरकारको ध्यानाकर्षण गराएको छ। मृत्यु भएकाहरुको परिवारलाई राहत उपलब्ध गराउन पनि कांग्रेसले सरकारलाई आग्रह गरेको हो।