प्रमुख प्रतिपक्षी दल नेपाली कांग्रेसका सांसद प्रकाशमान सिंहले सरकारले गुठीको प्राण उडाउने गरी गुठी विधेयक ल्याएको बताएका छन्।
प्रतिनिधिसभा संसदमा बुधबार सांसद सिंहले गुठीको प्राण उडाउने गरी सरकारले खराब नियतबाट विधेयक ल्याएको आरोप लगाए।
‘संविधानको धारा २९० ले स्पष्ट भनेको छ गुठीको मूल भावनाविपरीत हुने गरी कानुन संशोधन गर्न पाइँदैन,’ उनले भने, ‘गुठीको प्राण उडाउने गरी खराब नियतबाट विधेयक ल्याएको छ। फिर्ता गरी छलफल गरेर मात्रै ल्याउनुपर्छ।’
गुठी विधेयक कसका लागि आएको र सरोकारवालासँग किन छलफल गरिएन? भनेर सिंहले प्रश्न गरे।
सरकारले गुठी प्राधिकरणको नाम दिएर गुठी नियन्त्रणमा लिन खोजेको उनले आरोप लगाए।
हेर्नुस्ः गुठीका जग्गा हडप्न कस्ता प्रावधान घुसाइएका छन् विधेयकमा?
गुठी विधेयकविरुद्ध यस कारण आन्दोलित छ काठमाडौं?
गुठी नै नरहे कसरी रहलान् काठमाडौंका जात्रापर्व?